Shumica e mediave më prestigjioze botërore kanë raportuar se Ramush Haradinaj është zgjedhur kryeministër.
Reuters, ABC, Bloomberg, CNN, BBC, etj, pastaj mediat e rajonit, ato kroate, serbe, boshnjake, malazeze, maqedone e hungareze kanë raportuar për përfundimin e krizës politike në Kosovë dhe votimin e qeverisë.
Mediat ndërkombëtare nuk kanë lënë pa e përmendur faktin se Haradinaj ka qenë njëri nga drejtuesit kryesore të UÇK-së, forcë kjo që ka luftuar kundër Serbisë.
“Haradinaj është zotuar për dialog me Serbinë”, shkruajnë këto media.
Haradinaj u zgjodh sot kryeministër i Kosovës me 61 vota./Lajmi.net/
