Kandidati i PDK-së për kryetar të Klinës, Sokol Bashota, po synon që më 22 tetor 2017 ta fitojë mandatin e katërt në krye të kësaj Komune pas qeverisjes për tri mandate të plota.
Të njëjtat pretendime i ka edhe homologu i tij i Fushë Kosovës. Burim Berisha, kandidat i LDK-së për Fushë Kosovën, po e kërkon votën e qytetarëve të kësaj komune në zgjedhjet e 22 tetorit për mandatin e katërt, transmeton zeri.info.
Ndërsa numri i kandidatëve që në këto zgjedhje e kërkojnë mandatin e tretë është jo i vogël.
Nënkryetari i LDK-së Agim Veliu, i cili njëherësh është kandidat i kësaj partie për ta drejtuar Podujevën për mandatin e tretë, ka deklaruar për gazetën “Zëri” se është i bindur se ka ende për të dhënë për qytetarët e kësaj komune., transmeton zeri.info.
