Kjo veturë nuk i përket ndonjë personi të famshëm apo ndonjë serie të veçantë, kjo është një veturë e zakonshme.
Por ajo çfarë e bënë të veçantë dhe unike këtë BMW Seria 3 e vjetër 32 vjet, është se kjo veturë është e re dhe ka vetëm 260 km të kaluara, transmeton Express. Me këtë çmim ju mund të blini një veturë të vjetër që njëkohësisht është e re.
Ishte BMW Blog që kishte hasur në këtë veturë gjatë kërkimeve në internet, përkatësisht në e-Bay ku kishin hasur në këtë BMW E30 Seria 3 me specifika Evropiane e cila ishte në shitje për 69,900 Euro. Ky çmim është çmimi fillestar pasi që vetura është nxjerr në ankand ku do të jetë për 6 ditë.
Në foto shihet se sa e ruajtur dhe e re është vetura e cila nuk ka asnjë gërvishtje si dhe ka interier pothuajse të paprekur. Vetura gjendet në Belgjikë.
