Është kapur një person që kërkohej për kanosje dhe armëmbajtje pa leje.
Policia e Shqipërisë arrestoi në Rrugën Rrëshen- Bukmirë një person që kërkohej nën dyshimet për kanosje dhe armëmbajtje pa leje.Të arrestuarit me inicialet E. B., 25 vjeç iu gjetën edhe disa doza të marijuanës.
I arrestuari sipas policisë po shoqërohej edhe nga një person tjetër, B. D., 18 vjeç i cili gjithashtu u arrestua.
Gjatë kontrollit të këtyre dy personave dhe makinës me të cilën udhëtonin, policia sekuestroi si prova materiale 1 armë zjarri pistoletë me karikator me 7 fishekë, 1 armë gjahu pa leje dhe disa doza lëndë bimore të llojit Cannabis Sattiva.
Materialet e sekuestruara nga policia i shkuan Prokurorisë së Rrethit Gjyqësor Lezhë për veprime të mëtejshme.
