Mot me vranësira dhe intervale me diell do ta përcjellin vendin gjatë kësaj jave.
Masa të ftohta nga veriu i Kontinentit do ta mbulojnë vendin gjatë kësaj periudhe të parashikimit. Poashtu edhe reshje shiu dhe erëra të ftohta do të jenë prezent duke ndikuar në uljen e vlerave të maksimaleve deri 15 gradë Celsius, kurse minimalet do të zbresin deri në 5 gradë Celsius ditën e premte kur dhe zyrtarisht hyjmë në stinën e vjeshtës.
Dy ditët e para të javës fillojnë me shi, kurse vende-vende edhe të mërkurën priten reshje shiu.
Të hënën temperaturat maksimale do të arrijnë deri 21 gradë Celsius, kurse nga dita e martë temperaturat fillojnë të bijnë dukshëm nën vlerat e mesatareve.
Shtypja atmosferike do të shënojë zbritje, por që në mesjavë prapë do të arrijë mbi vlerat e normales.
Era do të fryjë kryesisht nga verilindja me shpejtesi deri 11m/s.
