Në Ditën e Krishtlindjes janë pajtuar familjet e Zef Matajt nga Famullia e Dobilares me Ibrahim Krasniqin nga Juniku.
Në Kishën e Shën Mihillit, gjegjësisht në Qendrën Rinore ‘Dom Gjergj Berisha’ në Doblibarë u bë pajtimi mes familjes së Zef Mataj me familjen e Ibrahim Krasniqi nga Juniku, pas humbjes tragjike të Patrik Mataj, i cili vdiq aksidentalisht më 26.07.2017 në Qerim (Gjakovë).
“Jemi vëllezër si në të mirë, e ashtu në të vështirë. Këtë harmoni ndër fetare gjithmonë e ka dëshmuar populli ynë shqiptar, qysh prej kohës të Heroit tonë kombëtar, Gjergj Kastriot-Skënderbeu, e deri në ditët tona, siç e dëshmuan sot në ditën e pajtimit edhe familjet e respektuara, pra familja Mataj dhe familja Krasniqi”, tha famullitari, Don Alberti.
