Sindikata e Bashkuar e Arsimit thotë se nëse pagat e mësimdhënësve rriten vetëm për 4%, nga janari ata do të futen në grevë.
Kryetari i SBASHK-ut, Rrahman Jashari, në konferencën përmbyllëse për media, paralajmëroi se ata nuk janë të kënaqur me një rritje aq të vogël të pagave.
“Problemi i fundvitit është paralajmërimi për ngritje pagash nga janari. Është folur për një ngritje shume të vogël të pagave dhe SBASHK-u ka reaguar fuqishëm për ngritjen kaq të vogël. Unë kam frikë që jo vetëm arsimi, por edhe sektorët tjerë mund të na sjellin greva”, ka thënë ai.
Jashari tha që viti që lamë pas u karakterizua me shumë sfida. Jashari shtoi se në kabinetin e kryeministrit është dërguar projektligji për punëtorët e arsimit të viteve 90-a dhe shpresojnë si ai do të votohet shumë shpejt në Kuvend.
© KOHA.
