Pasaporta e Kosovës është një nga pasaportat më të pavlefshme në botë, duke u renditur vetëm pas pasaportës së Palestinës, duke u pamundësuar qytetarëve që të lëvizin lirshëm. Në fakt, kosovarët janë të vetmit në Ballkan që nuk mund të udhëtojnë me pasaportat e tyre, pa u pajisur për vizë.
Liberalizimi i vizave për kosovarët ka mbetur peng i mos ratifikimit të demarkacionit me Malin e Zi, një proces i cili kundërshtohet nga kryeministri i vendit, Ramush Haradinaj.
Por vet Haradinaj tashmë e ka zgjidhur këtë problem. Ai është pajisur me pasaportën e shtetit të Shqipërisë, që i mundëson atij lëvizjen e lirë. Bashkë me kryeminsitrin këtë problem e ka zgjidhur edhe bashkëshortja e tij, prezantuesja e lajmeve Anita Haradinaj.
Qytetarët e pajisur me pasaportën e Shqipërisë mund të udhëtojnë pa viza në vendet e Bashkimit Evropian.
