Imami i xhamisë së Tabakëve, mjaft popullor dhe për rolin aktiv të tij në rrjetet sociale, Elvis Naçi ishte i ftuar sot në Ëake Up.
I pyetur drejtpërdrejtë nga Eno, nëse ka një ambicie për të shkuar më tej në instancat drejtuese të komunitetit musliman, përgjigja e Naçit ka qënë e thjeshtë: “Kam një ambicie më të madhe, që të jem kryeministër nesër!” (qesh).
Pas publikimit të lajmit se imami i parë homoseksual në Australi po planifikon të hapë një xhami ndryshe brenda një viti, një për muslimanët homoseksualë, Naçi ka këtë mendim:
“Ngaqë është një risi , normal që duket e çuditshme, sepse dhe imam dhe homoseksual është diçka që nuk bën sens në fenë islame. Ne jemi mësuar me problem, se ne në konceptin tonë o imam o homoseksual, ose duhet vritur homoseksuali, gjithmonë ka një të mesme të artë në këtë. Do të thotë që në fenë islame dhe fetë e tjera, homoseksualizmi është mëkat i madh, është standard në fetë qiellore. Ka një mesatare të artë që do të thotë që ne shqiptarët e kemi këtë problem nëse nuk biem dakord me dikë për diçka ne do të fillojmë të shajmë, të denigrojmë. Në fenë islame një imam homoseksual nuk bën sens”, tha ai.
