Për nesër në ora 11:00 është caktuar seanca e 32-të e Kuvendit të Maqedonisë, ku në rend dite janë Ligji për përdorimin e gjuhëve, në lexim të tretë, ligj që nuk është nënshkruar nga kryetari i shtetit, Gjorge Ivanov, me arsyetimin se shteti bëhet dygjuhësh, për shkak të gjuhës shqipe që përfiton nga ky ligj, përcjell Telegrafi Maqedoni.
Për këtë ligj janë dorëzuar 32 mijë amandamente nga ana e VMRO-DPME-së. Kaq ambandamente nuk janë dorëzuar deri tani në Kuvend. LSDM, BDI e Lëvizja Besa nuk kanë dorëzuar amandamente.
Kundër këtij ligji ka patur edhe protesta, njëra nga të cilat u mbajt ditën e djeshme.
