Deputeti i LDK-së, Lumir Abdixhiku, i ka quajtur humbje kohe ato ditë kur Hashim Thaçi, Ramush Haradinaj e Kadri Veseli, tentuan shfuqizimin e Speciales.
Por megjithatë, të tre prej tyre kanë ndërruar mendje.
Abdixhiku ka thënë se pasi u izoluan të tre, u tërhoqën nga kjo tentativë dhe u kthyen në arsyetimin fillestar, ashtu siç thonin që nga fillimi deputetët tjerë.
Postimi i Abdixhikut në Facebook:
Tash,
– Orkestruan peticione, organizata e deputetë;
– E nisën shfuqizimin në mesnatë;
– I rënduan marrëdhëniet me aleatët tanë;
– Fyen secilin përfaqësues të tyre;
– Krijuan imazh krejtësisht joserioz në botë;
– Shqetësuan pa nevojë qytetarët tanë;
– Shpallën secilin mbrojtës Republike tradhëtar;
Dhe në fund, pasi u izoluan, u tërhoqën të tre – secili pas tjetrit. Tash u kthyen në arsyetimin fillestar, atë që e thonim ne gjithëherë.
Në vend të politikanëve të matur e serioz, Kosova mbetet peng e individëve pa përgjegjësi, humbës kohe e shkaktarë theqafjesh. Pavarësisht bindjeve politike që mund t’i ketë secili, një mbetet e sigurtë, Kosova bëhet normale kur të lirohet nga një klasë politike jokredibile si kjo.
