Mediumet e huaja kanë shkruar të mërkurën se Zinedine Zidane do të jetë përzgjedhës i ri i Përfaqësueses së Francës.
Por, një gjë e tillë pritet të vendoset pas Botërorit 2022 në Katar.
Megjithatë, presidenti i Federatës së Futbollit të Francës, Noel Le Graet, ka mohuar lajmet e tilla të mërkurën.
“Nëse insistoni që ta dini, unë do të jem i sinqertë me ju. Dëshira ime është që Didier Deschamps të vazhdojë të jetë në krye të skuadrës”, ka thënë presidenti i Federatës franceze të futbollit, Le Graet, për mediumin “Le Figaro”.
“Nëse jeni me fat mjaftueshëm që ta keni Deschampsin si përzgjedhës, nuk trokisni në derën tjetër, derisa ai është këtu”, është shprehur ai.
