Zhvillimet politike në Maqedoni kanë hyrë në një fazë të ndjeshme. Portali Sakte.net nga burime mirë të informuara mëson se lidhur me vendimin e hyrjes ose jo të BESËS në Qeveri me Zoran Zaev, shumëçka do të varet nëse LSDM do të pranojë që marrëveshja të jetë transparente dhe e afatizuar.
“Kjo marrëveshje ka të bëjë kryekëput me parimet e qeverisjes të cilat kanë qenë publike dhe të njohura për opinionin. Mbetet në dorën e Zoran Zaev nëse seriozisht do t’i konsiderojë shqiptarët të barabartë në qeverisje apo nëse preferon ata të cilët gjatë gjithë këtyre viteve e dëshmuan se janë shërbëtor të zellshëm të politikave maqedonase”, – thanë për portalin Saktë.net, burime nga Kryesia e Lëvizjes BESA./Sakte.net
