Deputeti i LDK-së, Lumir Abdixhiku, i është përgjigjur atij të PSD-së, Dardan Molliqaj, që akuzoi LDK-në se për pak pushtet është në gjendje të pranojë Dialogun dhe PDK-në.
Teksa Molliqaj akuzoi LDK-në se për pushtet ndërron qëndrim, Abdixhiku ka thënë se është PSD-ja ajo që ditën del në konferencë të përbashkët me PDK-në e në mbrëmje akuzon LDK-në për afrim me ta.
“PSD para dite del në konferencë – gojë vesh më vesh – me PDK-në; në mbrëmje na akuzon neve LDK-në për afrim me ta. Hipokrizi, asgjë më pak”, ka shkruar Abdixhiku në Facebook.
Abdixhiku më pas ka thumbuar PSD-në duke thënë se “zakonisht partive nën 2% s’u reagojmë. Po e bëj një përjashtim”.
