Presidenti i vendit Hashim Thaçi, ka thënë që Agjencia e Kosovës për Inteligjencë brenda një periudhe shumë të shkurtër është bërë një prej kontribuuesve më të mëdhenj të paqes dhe sigurisë në Kosovë e rajon, përcjellë Gazeta Blic.
Ai ka theksuar se, para dhjetë vjetëve ka filluar punën një prej institucioneve më të rëndësishme për sigurinë e vendit tonë.
Tutje në shkrimin e bërë në llogarinë e tij në “Facebook”, Thaçi ka pohuar se ndjehet krenar për punën që bën AKI.
Shihni shkrimin e plotë të Hashim Thaçit:
Para 10 vjetëve filloi punën një prej institucioneve më të rëndësishme për sigurinë e vendit tonë, Agjencia e Kosovës për Inteligjencë. Me hapa të jashtëzakonshëm dhe me profesionalizëm të lartë, AKI-ja brenda një periudhe shumë të shkurtër u bë një prej kontribuuesve më të mëdhenj të paqes dhe sigurisë në Kosovë e rajon.
Agjencinë e Kosovës për Inteligjencë e inkurajoj që të vazhdojë me përmbushjen e misionit të saj në shërbim të parandalimit të çdo kërcënimi ndaj sigurisë së vendit tonë. Ne ndjehemi krenarë, ashtu sikurse edhe ju, për punën tuaj në shërbim të atdheut! HTH