Një aksident me dy të plagosur ka ndodhur mbrëmjen e sotme në Vlorë.
Sipas dëshmitarëve, dy të rinj ishin duke lëvizur me një motor me targë “Ap 247” në bulevardin nga “Kali Trojës” në drejtim të skelës, kur janë përplasur nga një automjet. Makina e goditi motoçikletën nga prapa me shpejtësi dhe të rinjtë ‘fluturuan’ nga motoçikleta, thanë dëshmitarë.
Në vendngjarje mbërriti ambulanca dhe forca te shumta policie.
Të rinjtë janë dërguar në spitalin rajonal të Vlorës. Një prej tyre është rëndë pasi mori dëmtime në kokë.
Policia është vënë në ndjekje të makinës që goditi motorin.
