Një aksident i rëndë me pasojë vdekjen është shënuar ditën e sotme në aksin rrugor “Lezhë-Milot”, ku një motor ka përplasur një këmbësore të moshuar.
Shtetasi I.Ll., 40 vjeç, banues në Shkodër, ka qenë duke drejtuar motoçikletën e tij, e më pas ka përplasur shtetasen Gj.Z., 75 vjeçe, e cila ishte këmbësore.
E moshuara u transportua në spital, por nuk i mbijetoi dot lëndimeve.
Sakaq, 40 vjeçari është arrestuar dhe akuzohet për veprën penale “Shkelja e rregullave të qarkullimit rrugor”, me pasojë vdekjen.
Njoftimi i policisë
Paraditen e sotme, në aksin rrugor “Lezhë-Milot”, shtetasi I. Ll., 40 vjeç, banues në Shkodër, duke drejtuar motoçikletën, ka përplasur shtetasen Gj. Z., 75 vjeçe, banuese në Lezhë, këmbësore.
Shtetasja Gj. Z. u transportua në spital, por pavarësisht ndihmës mjekësore, ka humbur jetën.
Në përfundim të veprimeve të kryera nga grupi hetimor, drejtuesi i motoçikletës, shtetasi I. Ll., u arrestua në flagrancë për veprën penale “Shkelja e rregullave të qarkullimit rrugor”, me pasojë vdekjen.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
