Albin Kurti, kryetari i lëvizjes vetëvendosje dhe Kryeministri në pritje i Kosovës në një intervistë për Alsat, thotë se për rajonin nuk duhet të ketë asnjë zëvendësim për anëtarsimin në BE. Ai thotë vendet e rajonit duhet të bashkëpunojnë për vetëm me qëllim anëtarsimin e plotë në Bashkimin Evropian.
“Iniciativat rajonale me siguri që janë të nevojshme, por absolutisht nuk mund ta zëvendësojnë integrimin Evropian. Nuk mund të themi ne që nuk po integrohemi në BE, e po bëjmë ndonjë gjë ndërmjet veti këtu”, ka deklaruar Albin Kurti, kandidat për kryeministër të Kosovës.
Kurtri e vlerëson si akt përgjegjegjësie shkuarjen në zgjedhje të parakohshme në Maqeedoninë e veriut, por thotë se tani nga pozitat e Kryeministrit të ardhëshëm të Kosovës nuk e di nëse do tëmbështesin ndonjë subjekt politik shqiptar hapur gjatë fushatës.
“Unë nuk mund të them sot se do të mbështesim këtë apo atë subjekt!”- ka thënë Albin Kurti.
Albin Kurti pret që të vizitojë Maqedoninë, të ketë marrëdhënie më të afërta me Shqipërinë por sipas tij, për tu stabilizuar plotësisht rajoni, Serbia duhe të pajtohet me realitetin se Kosova është shtet i pavarur.
“Normalizimi i marrëdhënieve në mes Kosovës dhe Serbisë kalon nëpërmes normalizimit të Serbisë si të tillë. Në Kosovë është tentuar gjenocidi 860 mijë shqiptarë janë deportuar jashtë Kosovës në pranverën e vitit 1999. Mbi 1 milion prej shtëpive të tyre, i kemi 20 mijë vajza e gra të përdhunuara, gjallë janë ato të gjitha”, ka theksuar Albin Kurti.
Albin Kurit ka pohuar se me LDK-në janë marrë vash se qeveria e re do ketë 12 ministri dhe se pret sa më parë, në nëntor, ta marrë edhe zyrtarisht postin e Kryeministrit.
