“Sociologjia publike” nga Ali Pajaziti, shpallet si botimi më i mirë nga Asociacioni Shqiptar i Sociologjisë dhe Instituti Shqiptar i Sociologjisë. Profesori universitar Pajaziti tha që ndjehet shumë i nderuar për këtë vlerësim që i është bërë. Ndërkaq diskursi i këtij botimi është vendosur në atë që të jetë shumë më i kapshëm për lexuesit, një libër që mund të kuptohet edhe nga një lexues i thjeshtë.
Profesori Pajazit tregoi që ky libër në vete ngërthen një sociologji që është shumë më e afërt me qytetarin, pra nuk ka të bëjë me terme, apo sociologji, por ka të bëjë me një sociologji që prek përditshmërinë e popullit tonë.
“Jam i nderuar me çmimin ‘Botimi Akademik i vitit 2016’, shpërblim ky të cilin e jep ASLPSA dhe AIS, pra jepet në bazë të përmbajtjes së një teksti të impaktit që ai ka në shoqëri. Pra në bazë të vlerësimit ose evaluimit që ka bërë komisioni që bënë zgjedhjen për këtë çështje. Libri ‘Sociologji Publike’, përpjekje për një sociologji të zbatuar, është parë si një publikim ose si një botim cilësor nga ky komision”, tha profesori universitar, Ali Pajaziti.
Profesori Pajaziti tregon që ky libër trajton tema, që kanë të bëjnë më një sociologji që fillojn nga problematika relevante e shoqërisë deri tek temat globale.
“Në këtë libër trajtohen tema të cilat kanë të bëjnë me një sociologji tjetër fare, bëhet fjalë për një sociologji që është më e afërt me qytetarin, pra nuk merret me tema teorike, nuk është libër kryekëput që e ka të bëjë me teoritë universitare por tenton që sociologjinë ta zbresë nga shkallat e akademisë tek një nivel më i ulët, të merret me çështjet që kanë të bëjnë me përditshmërinë tonë”, theksoi Pajaziti.
Disa nga temat e shumta që preken në librin “Sociologjia Publike” janë: “Parapolitika”, “Shkupi 2014”, “Islamofobia shqiptare”, “Politikat iliberale të Gruevizmit” e shumë tema të tjera. Ndërsa interesimi për leximin e këtij libri tha Pajaziti, është shumë i madh, ka vetëm një muaj që ka dalë në qarkullim dhe kërkohet jashtëzakonisht shumë jo vetëm në Maqedoni, por edhe në Kosove dhe më gjerë.
