Ambasada britanike në Shqipëri ka dënuar vrasjen e gjyqtarit Astrit Kalaja brenda sallës së gjyqit një ditë më parë, nga 31-vjeçari Elvis Shkambi
Me anë të një postimi në rrjetet sociale, ambasada bën thirrje për masa urgjente për të garantuar sigurinë e gjyqtarëve dhe integritetin e tyre.
Për ambasadën e Britanisë së Madhe vrasja e gjyqtarit është një akt i rëndë dhune.
“Jemi thellësisht të pikëlluar nga vdekja tragjike e gjyqtarit Astrit Kalaja. Ngushëllimet tona shkojnë për familjen, miqtë dhe kolegët e tij. Dënojmë fuqishëm aktin e dhunës dhe bëjmë thirrje për masa urgjente për të garantuar sigurinë e gjyqtarëve dhe integritetin e gjykatave”, shkruan ambasada në deklaratëm zyrtare.
