Shefja e Zyrës së Bashkimit Evropian në Kosovë, Nataliya Apostolova ka deklaruar se subjektet politike në Kuvendin e Kosovës, duhet të gjejnë konsensus për çështjet e kyçe në interes të vendit.
Ajo në mbledhjen e pestë e Komisionit Parlamentar për Marrëveshjen e Stabilizim-Asociimit në mes BE-Kosovë, i cili përbëhet nga deputetë të Kuvendit të Kosovës dhe të Parlamentit Evropian, ka thënë se të gjitha palët do të dalin mirë kur reformat kyçe nuk mbahen peng për luftëra të vogla politike, transmeton KP.
“Të gjitha palët do të dalin mirë kur reformat kyçe nuk mbahen peng për luftëra të vogla politike. Në Kosovë duhet të shihet interesi i përbashkët i qytetarëve dhe i partive politike. Përpjekjet e dështuara të Kuvendit drejt BE-së janë shqetësuese”, ka thënë ajo.
