Atentati me armë në ish-Bllok, me pasojë plagosjen e menaxherit të lokalit të njohur të natës ka pas një histori hakmarrjeje
Nga hetimet e para rezulton se plagosja e Artur Aligjonin, menaxheri i lokalit ‘Arena’ mëngjesin e sotëm dyshohet të jetë një mesazh, pasi ai pak muaj më parë ka plagosur me thikë një djalë nga Kamza.
“Balkanweb” shkruan se 45-vjeçari i plagosur mëngjesin e sotëm, ishte në akuzë për plagosjen e Halim Hysës, ndërsa në prokurori vepra penale u klasifikua plagosje e lehte dhe çështja u mbyll.
Fill pas ngjarjes së sotme, në polici janë shoqëruar si të dyshuar Halim Hysa dhe i vëllai i tij. Sherri me thika, si nisi dhe plagosja e Hysës 31vjeçari Halim Hysa mbeti i plagosur pas një sherri me thika në 27 shtator të vitit të kaluar, ndërsa autor i ngjarjes dyshohet të jetë 45 vjeçari Artur Aligjonin
Ngjarja ndodhi rreth orës 00:30 të datën 27 shtator afër zonës së Bllokut në Tiranë. Atëherë policia njoftoi se Hysa ishte i shoqëruar me një të njohurin e tij në momentin që është qëlluar me thikë në brinjë nga 45-vjeçari.
