Azilkërkuesi nga Kosova rrah austriakun për një cigare

Një azilkërkues nga Kosova, 17 vjeç, së bashku me disa shokë, gjithashtu nga Kosova, kanë rrahur një 20 vjeçar nga Aurach am Hongar në Austri.

Ngjarja ka ndodhur të shtunën e kaluar kur i riu nga Kosova, bashkë me shokët e tij, u zunë me të riun tjetër austriak në qendrën rekreative në Regau.

I dyshuari kryesor dyshohet ta ketë goditur vazhdimisht në fytyrë dhe në kokë austriakun me shumë forcë derisa ky i fundit ishte i shtrirë për toke. Raportohet se viktima ka pësuar lëndime të rënda.

Salzburg24.at raporton se ngjarja ka nisur për një cigare. Kjo pasi që, sipas dëshmitarëve, 17 vjeçari nga Kosova i kishte kërkuar një cigare austriakut, ndërsa ky i fundit kishte refuzuar t’ia jepte.

Prokurori publik i Welsit ka urdhëruar arrestimin e 17 vjeçarit. Ai është dërguar në burgun e Welsit, ndërsa një shok i tij është në arrati.