Marcos Alonso ka nënshkruar kontratë të re me Barcelonën.
Klubi katalunas ka njoftuar zyrtarisht këtë të premte për arritjen e marrëveshjes së re me lojtarin.
Alonso me Barçën nënshkroi kontratë të vlefshme deri më 30 qershor 2024.
Barcelona gjithashtu njoftoi se për spanjollin ka vendosur një klauzolë lirimi prej 50 milionë eurosh.
32-vjeçari kaloi si lojtari i lirë në “Camp Nou” vitin e kaluar nga Chelsea.
Deri më tani, Marcos Alonso ka regjistruar 19 paraqitje me Barcelonën në të gjitha garat, teksa ka shënuar dy gola.
