Në Shqipëri, kryetari i Partisë Demokratike, Lulzim Basha doli në një konferencë për shtyp, ku akuzoi qeverinë Rama për kapjen nga krimi dhe droga. Basha theksoi se jeta dhe prona e qytetarëve në Shqipëri, është nën kërcënimin e drogës dhe nuk mund të mbrohen nga ata që mbollën krimin në vend. “Javët e fundit po shohim realitetin e vërtetë të krimit në Shqipëri. Ajo drogë që kapet, është shumë herë më e vogël në sasi, sesa ajo që në të vërtetë kalon. Në vend të investimeve të huaja, ne tani kemi tregun e kokainës. Edi Rama është i zhytur dhe i kapur nga trafikantët e hashashit dhe kokainës. Për sa kohë që Edi Rama të jetë në pushtet, do të arrestohen vetëm shoferë dhe do të promovohen drejtuesit e vërtetë të krimit. Sot, jeta dhe prona e shqiptarëve është e kërcënuar nga paratë e krimit”, u shpreh Basha.
rreth nesh
Ky portal mirëmbahet nga kompania ALMAKOS-MEDIA. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të ALMAKOS-MEDIA. Për ta shfrytëzuar materialin e këtij portali obligoheni t'i pranoni kushtet e përdorimit.