Drejtori i Zyrës për Kosovën në Qeverinë e Serbisë Marko Gjuriq ka deklaruar sot se autoritetet e Prishtinës nuk i kanë dërguar Beogradit asnjë informatë lidhur me vrasjen liderit të Iniciativës Qytetare LDD Oliver Ivanoviq, transmeton Koha net.
“Do të dëshiroja që institucionet shqiptare të ofrojnë, të paktën, një përgjigje relevante dhe t’i qasen bashkëpunimit serioz”, citon FoNet, të ketë thënë Gjuriq.
Ai ka vlerësuar se institucionet ndërkombëtare do të duhej të bënin presion në Prishtinën në mënyrë që ajo të bashkëpunojë me Beogradin për këtë çështje.
