Rusia ka prezantuar një nëndetëse të re bërthamore, e cila është e aftë të shkaktojë cunam prej mbi 90 metrash të lartë, e aftë për të zhdukur qytetet bregdetare, thonë ekspertët.
Ekzistenca e nëndetëses “dron”, që besohet të jetë sistemi i “Status-6” – e njohur edhe si ‘makina e Putinit’, u konfirmua nga vetë Presidenti rus në fjalimin e tij vjetor në Moskë muajin e kaluar.
Ekspertët thonë se një bombë atomike bërthamore prej 50 megatonësh do të ishte në gjendje të krijojë valë të larta cunami, transmeton oranews. Ajo thuhet se është në gjendje të mbajë një raketë prej 100 megatonësh.
Nëndetësja raportohet të ketë një diapazon veprimi prej 6,200 milje, me shpejtësia maksimale prej 103 km dhe me aftësi për të hedhur një raketë bërthamore brenda rrezes së SHBA’ve.
Në fjalimin e tij më 1 mars, Putini tha se nëndetësja më e shpejtë nënujore ka gjithashtu një varg ‘interkontinental’ dhe është e aftë të mbajë një armë bërthamore për të goditur anijet transportuesve të avionëve dhe objektet bregdetare.
Ai tha se thellësia e saj operacionale dhe shpejtësia e lartë do ta bënin imun ndaj kapjes nga armiku.
“Është fantastike!”-, tha Putin.
Studiuesi i fizikës dhe i armëve bërthamore, Rex Richardson, tha për Business Insider se një raketë nënujore e lëshuar nga nëndetësja mund të shkatërrojë qytetet bregdetare.
“Një armë bërthamore e vendosur mirë në vend, në rangun prej 20 megaton deri në 50 megatonë pranë një bregdeti, sigurisht që do të ketë energji të mjaftueshme për të barazuar tsunamin e vitit 2011, dhe ndoshta shumë më tepër”.
Z. Richardson shtoi se një bombë bërthamore e tillë nënujore e rrëzuar në brigjet e Shteteve të Bashkuara do të ishte në gjendje të shkaktojë dëme katastrofike në qytete të tilla si Los Anxhelos ose San Diego përmes shirave radioaktivë.
