Blerand Stavileci akuzohet për 50 mijë euro (Dokument)

Sakte.net / e Hënë 26 Shtator 2016 / 15:15

Paratë që deponohen për lojëtarët e klubit basketbollist “Sigal Prishtina”, nuk u shkojnë atyre.

Dyshohet se këto para shkojnë në “xhepat”, e kryetarit të këtij klubi Blerand Stavilecit, Drejtorit Ismet Karaxhës dhe menaxherit Florian Miftarit, sipas një kallëzimi penal të ngritur nga avokati Hamit Gashi. Ky i fundit përfaqëosn Ismet Rexhepin, pronarë i Mekanizmit Rregullues Reklamues, si palë e dëmtuar.

Gazeta Fjala ka siguruar këtë kallëzim penal, ku thuhet se 50 mijë eurot e deponuara nga Ismet Rexhepi, nuk u kanë shkuar lojëtarëve, por të njejtat sipas Rexhepit kanë shkuar në xhepat e kryetarit Blerand Stavileci, Ismet Karaxhës, e Florian Miftarit.

dok 1

Këtë e ka konfirmuar për Gazetën Fjala edhe vet avokati Hamit Gashi, i cili ka ngritur kallëzimin penal ndaj personave përgjegjës të klubit.

“E kam ba një kallzim penal ndaj Ismet Karaxhës, Florian Miftarit, Blerand Stavilecit të Klubit “Sigal Prishtina”, përshkak të veprës penale, dëmtimi i kreditorëve dhe debitorëve në të cilën është bërë i fuqishëm aktvendimi për përmbarim”, ka thënë për Gazetën Gashi.

Gazeta ka provuar të kontaktoj me Kryetarin e Klubit ‘Sigal Prishtin’, Blerand Stavileci, por ka qenë i paqasshem.

Gashi tregon se edhe xhirollogaritë e lojëtareve janë bllokuar përmes përmbaruesit privat.

Kallzimin e tij penal, avokati thotë se e ka ngritur që nga 15 marsi, derisa ende nuk është në dijeni pse një vendim i tillë po zvarritet ende.

“Nuk e di ku është faji për moszbatimin e këtij vendimi por pala ime Ismet Rexhepi, si palë e dëmtuar që ka fituar një kontekst prej 50 mijë eurosh. Gjykimi është kryer në Gjykatën themelore në Prishtinë, ka përfundu para dhjetë vitesh dhe përmbarimi i saj zvarritet pa arsye e me fajin e personave përgjegjës të klubit basketbollist”, shpjegon për Gazetën avokati Gashi.

Avokati që ka ngritur kallëzimin penal thotë se lojëtarët nuk paguhen në mënyrë të rregullt.

“Lojëtarët e klubit SIgal nuk paguhen në mënyrë të rregullt por tërthorazi duke iu shmang obligimit për të mos shkue paratë edhe për lojëtarët apo edhe për person tjetër por duke shkuar në hepat privat. Ekziston dyshimi në bazë të debitorit që ti kryej obligimet se këta persona pengojnë me u zbatu veprimi. Xhirollogaritë janë blloku përmes përmbaruesit privat Isak Islamit, ata nuk kanë mjete përmes xhirollogarisë se pot ë kishin mjete ato së pari do duhej të zbatonin veprimin e formës së prerë prej 50 mijë euro”, ka shtuar ai./GazetaFjala/

dok 2