CELULARËT E VJETËR QË TANI VLEJNË MIJËRA EURO (FOTO)

Nëse jeni person që nuk i gjuan gjërat e vjetra, atëherë jeni me fat. Ai celulari i vjetër Motorola ose Nokia të cilin mund ta keni ende në shtëpi mund të vlejë shumë, ka zbuluar një hulumtim i ri. Ueb-faqja për blerje online eBay ka parë një rritje të çmimeve të celularëve të vjetër, të cilët shpesh shiten për qindra euro. Këta celularë mund t’ju ndihmojnë që të fitoni shuma të konsiderueshme parash. Në listën më poshtë do t’i gjeni top celularët që do të mund t’ju sjellin para:

 

1. MOBIRA SENATOR. Mobira Senator u lansua më 1982 dhe është një nga celularët e parë në botë. Njerëzit janë duke e shitur këtë celular online për rreth 2,000 euro.
2. MOTOROLA DYNATAC 8000X. Celulari i parë në botë që mund të mbahej në dorë ishte Motorola DynaTAC 8000X. Ai doli në shitje më 1983 për rreth 4,000 euro dhe pati sukses të menjëhershëm. Tani ai është duke u shitur në eBay për 300 euro.
3. NOKIA 8800. Nokia 8800 konsiderohej një celular luksoz kur doli më 2005 falë ekranit anti-gërvishtje, peshës së lehtë dhe mekanizmit të sofistikuar. Tani ky celular është duke u shitur mes 100-300 euro.
4. NOKIA 9000 COMMUNICATOR. Ky ishte produkti i parë i Communicator Series të Nokia. U prezantua më 1996 dhe ishte i madh, i rëndë dhe kishte një antenë. Përdorej për të dërguar dhe marrë fakse, mesazhe të shkurtra dhe imella. Kishte kalkulator, kalendar, funksion shënimesh dhe një libër adresash. Tani ky celular shitet në eBay për rreth 600 euro.
5. MOTOROLA 3200. Ky celular u prezantua më 1992. Kishte butona numerik, së bashku me një kufje dhe mikrofon. Kjo pajisje aktualisht shitet në eBay për 300 euro.
6. MOTOROLA STARTAC 130. Ky është celulari i famshëm i cili arriti 60 milionë shitje menjëherë pas lansimit më 1996. Ishte një nga pajisjet e para që kishte funksionin e dridhjes dhe përmbante një dritë të gjelbër që tregonte se kishte lidhje në rrjet. Një pajisje e tillë është duke u shitur për rreth 300 euro online.
7. NOKIA 8810. Ky celular u lansua më 1998 dhe ishte i pari që kishte antenë të brendshme. Libri i adresave mund të ruante mbi 250 emra dhe numra, kishte një port për infrared dhe një konvertuesh monedhash. Ai është aktualisht në shitje në eBay prej 200 deri në 500 euro.
8. NOKIA 8850. Nokia 8850 konsiderohet të jetë një celularë i pariparueshëm. Ai mund të ruante 250 emra dhe 50 shënime kalendarike, dhe të pranonte mesazhe me foto. Ai tani shitet prej 40 deri në 400 euro.
9. NOKIA 7280. Nokia 7280 ishte pjesë e linjës së modës të Nokia dhe quhej “celulari buzëkuq” për shkak të pamjes së tij. Tani ai shitet për më shumë se 270 euro në eBay.