Në protestën për përkrahjen e Ramush Haradinajt ka folur edhe vëllai i liderit të AAK-së, Daut Haradinaj i cili në këtë protestë ka falënderuar të gjithë ata që po e mbështesin Ramushin.
“Shqiptarët janë komb i madh dhe lirinë nuk do t’ia falin askujt. Askujt nuk do t’ia cenojmë lirinë, por kushdo që synon të na cenojë atë do të marrin përgjigjen si në fundshekullin e kaluar”, ka thënë Haradinaj raporton Gazeta Blic.
Ai, tutje i është drejtuar Qeverisë së Kosovës, që ka thënë se i ka qysh tani pesë mundësi që të tregojë se është shtet.
“Ju po tregoni se ky vend ka Zot. Pavarësisht se kush e udhëheq këtë vend ju jeni sovrani”, tha ai.
E krejt në fund, Haradinaj shtoi se rasti i fundit për këtë Qeveri është bërja e ushtrisë.
Protesta përfundoi e qetë./Gazeta Blic/
