Gazetar: Bashkim Sulejmani
Me qëllim të thyerjes së tabusë se disa profesione janë vetëm për burrat, në ditën ndërkombëtare të gruas, në kampin e Bektel&Enka, u organizua tribunë me temën gratë në inxhinieri ndërtimore. Në panel diskutim morën pjesë edhe dy zëvendësministret, Kaltrina Zekolli si dhe Ane Leshkoska, të cilat u fokusuan në sfidat dhe mundësitë e grave në ndërtimtari, me ç’rast inkurajuan gratë që të mos dorëzohen në rrugën për të drejtat e tyre, edhe pse të njëjtat mbajnë në vete shumë sfida.
“Shpresoj që edhe me nikoqirët por edhe me kontributin tonë, sot do bëjmë që të kuptohet më mirë se gruaja në inxhinieri në të ardhmen ta merr pozitën e saj vërtetë e të merituar”, tha Ane Leshkoska. Zv minitre e ekologjisë.
“E dimë që rrugëtimi i grave në këto profesioni që llogariten sikur janë të dominuara burrat dhe kjo nuk është e lehtë, por ne sot jemi këtu për të diskutuar dhe për të sensibilizuar dhe forcuar bashkë, që këtë mision ta çojmë më tutje që grave në shoqërinë tonë t`iu ofrojmë një pozitë më të barabartë për ti fuqizuar ato dhe tua lehtësojmë rrugëtimin grave që vijnë pas neve”, tha Kaltrina Zekolli. Zëvendësminitre e transportit.
