Mercedes-Benz 770K e vitit 1939 ishte vetura personale e Hitlerit.
Thënia se vetura nuk zgjedh pronarin i përshtatet më së miri kësaj veture të jashtëzakonshme Mercedes-Benz 770K Grosser Offener Tourenwagen e vitit 1939 e cila pronar kishte një person si Hitleri. Kjo veturë u përdor edhe nga stafi i Hitlerit gjatë Luftës së Dytë Botërore.
Me datë 17 Janar 2018, kjo veturë do të shitet përmes një ankandi publik në Scottsdale, Arizona – SHBA, transmeton Express. 10% nga shuma me të cilën do të shitet kjo veturë do të dhurohen për edukimin se si ka ndodhur Holokausti.
Kjo veturë ka motor 7.7-litër me 8 cilindra të vendosur në vijë të drejtë dhe mund të arrijë shpejtësi deri në 160 km/h. Kjo veturë është e blinduar.