Klopp e konfirmon rikthimin e Arthurit në Juventus pas huazimit zhgënjyes te Liverpooli
Jurgen Klopp ka konfirmuar se Arthur Melo do të kthehet në Juventus pas përfundimit të këtij sezoni pasi të përfundojë huazimin e tij te Liverpooli.
Mesfushori brazilian ka regjistruar vetëm një paraqitje për “Të Kuqtë” që nga kalimi i përkohshëm nga Torino në fillim të shtatorit, transmeton Express.
Arthur u shfaq për vetëm 13 minuta në ndeshjen e Liverpoolit në fazën e grupeve të Ligës së Kampionëve, kundër Napolit, disa ditë pas zyrtarizimit të tij, por që nga atëherë nuk është paraqitur në ekipin e parë.
Marrëveshja e huazimit i kushtoi klubit anglez në një tarifë fillestare prej 4.5 milionë eurosh, plus pjesën e tyre të pagës së tij vjetore prej 5 milionë eurosh, por klubi ka vendosur të mos aktivizojnë opsionin prej 37.5 milionë euro për të blerë kartonin e tij.
Ndërsa foli për largimin e afërt të Arthurit, Klopp falënderoi atë për profesionalizmin e treguar gjatë periudhës së tij në “Anfield”.
“Unë do të doja t’i uroj më të mirën Arthurit pasi periudha e tij e huazimit po përfundon”, tha Klopp, duke shtuar: “Profesionalizmi dhe aftësia e tij ishin të qarta për të gjithë ata që punuan me të”.
