Detaje të reja kanë dalë në lidhje me incidentin e Lezhës, për të cilin u raportua fillimisht se ka rënë nga dritarja e katit të tretë.
Gazeta Shqiptare mëson se vogëlushja ka rrëshqitur nga dritarja e katit të tretë dhe ka rënë në ballkonin e katit të dytë.
Fatmirësisht, ajo ndodhet jashtë rrezikut për jetën dhe nën kujdesin e mjekëve në Spitalin Rajonal të Lezhës.
Policia ndodhet ne vendin e ngjarjes dhe ka nisur hetimet për zbardhjen e incidentit.
Njoftimi i policisë:
Lezhë / Informacion paraprak
Rreth orës 18:20, tek një pallat në Rrugën “Shtraus” në qytet Lezhë, e mitura 13 vjeçare E.Gj., është rrëzuar aksidentalisht nga dritarja e katit të 4-tërt të banesës ku banon, duke rënë në ballkonin e banesës të një kati më poshtë. Aktualisht ndodhet në Spitalin Rajonal Lezhë nën kujdesin e mjekëve.
Grupi hetimor po kryen veprimet për sqarimin e plotë të rrethanave të ngjarjes.
