Kamikazi që tronditi Manchesterin, Salaman Abedi, i ka blerë i vetëm pjesën më të madhe të elementëve përbërës të bombës, ka njoftuar policia britanike.
Abedi, pjesën më të madhe të veprimeve dhe të lëvizjeve i ka kryer katër ditë para sulmit, bën të ditur njësia britanike anti-terror. Megjithatë Policia nuk e ka përjashtuar mundësinë nëse autori ka qenë pjesë e një rrjeti më të gjerë. Tre persona që u arrestuan në lidhje me sulmin u liruan ditën e martë shkruan Theguardian.
Policia shton më tej se pjesa më e madhe e hetimeve po kryhen në bazë të lëvizjeve të fundit të Salman Abedi. Po hetohen të gjitha veprimet e tij dhe komunikimi që ka pasur me njerëzit gjatë atyre ditëve.
Rreth 16 persona janë arrestuar në lidhje me sulmin në koncertin e Ariana Grandes në Mancester. Pesë prej tyre janë liruar pa akuza ndërsa 11 të tjerë vazhdojnë të jenë nën arrest. Nga ngjarja e rëndë në Machester, 22 persona humbën jetën dhe 59 të tjerë mbetën të plagosur, duke përfshirë këtu edhe fëmijë.
