Një 42 vjeçar me origjinë nga Shqipëria është arrestuar nga autoritetet blu greke, pasi dyshohet se ka dhunuar një efektiv në Rodos.
Efektivi grek denoncoi se është sulmuar fizikisht nga shqiptari dhe tre shtetas të tjerë të huaj.
Bazuar në denoncimin e tij, autorët e kanë goditur policin në kokë, gjoks dhe bark, duke i shkaktuar atij lëndime të konsiderueshme.
Përgjatë kontrollit të makinës së 42 vjeçarit shqiptar, është gjetur dhe sekuestruar nën cilësinë e provës materiale një thikë.
Sakaq, nuk jepen informacione nëse autorët e tjerë janë arrestuar apo jo nga policia greke.
