Arritja e marrëveshjes gjithëpërfshirëse dhe ligjërisht të detyrueshme mes Kosovës dhe Serbisë, nën mandatin e Federica Mogherinit, nuk duket në horizont.
Me gjithë deklaratat optimiste të shefes për Politikë të Jashtme dhe zyrtarëve të tjerë nga Brukseli se është e mundur që zgjidhja përfundimtare mes Kosovës dhe Serbisë të arrihet nga mesi i vitit 2019, sipas njohësve të rrethanave kjo nuk ka gjasa të ndodhë, shkruan sot Koha Ditore.
Politologu Belul Beqaj ka thënë se as improvizimet eventuale nuk e shpëtojnë dialogun e udhëhequr nga Mogherini.
Edhe politologu Ramush Tahiri ka thënë se aktualisht BE-ja nuk ka interesim të madh për arritjen e marrëveshjes.
Edhe pse janë miratuar dy dokumente, Kosova deri më tani nuk ka folur me një zë në dialog. (Artikullin e plotë mund ta lexoni në numrin e sotëm të Kohës Ditore)
