Lëvizja BESA ditë më parë njoftoi se ka filluar bashkëpuimin me njërin nga ekspertët më të njohur zhvillimor nga mërgata shqiptare. Në selinë e tij, kryetari Bilall Kasami, priti një prej ekspertëve më të njohur të projekteve zhvillimore, profesor Lumni Ademi, i cili jeton dhe vepron në Zvicër.
Gjatë këtij takimi u tha se do të jenë në bashkëpunim të ngushtë për të realizuar projekte konkrete në shumë komuna që do jenë në udhëheqësi të BESËS, duke ofruar projekte konkrete për mirëqenien e shqiptarëve të Maqedonisë.
Ademi ka sqaruar edhe fazat nëpër të cilët do të kalojnë këto projekte konkrete zhvillimore. Me këtë rast, Ademi e ka falenderuar kryetarin Kasami për gatishmërinë e shprehur të BESËS, për të ofruar rreth vetes ekspertë të fushave të ndryshme.
Në këtë Lëvizje kohë më parë u bashkua edhe njëri prej ekspertëve më të rëndësishëm në sektorin e shëndetësisë, profesor Husein Reka. Reka është ndër ekspertët e rrallë në Maqedoni sa i përket politikave shëndetësore, financimit shëndetësor dhe ekonomisë së shëndetësisë me eksperiencë mbi 15 vjeçare.
E, derisa në njërën anë Lëvizja BESA ka filluar të mbledh rreth vetës eksperët më të njohur të fushave të ndryshme, në anën tjetër kryetari i subjektit kryesor opozitar shqiptar në Maqedoni ka realizuar takim më udhëheqësin e partisë tjetër opozitare, Menduh Thaçin e PDSH – së. Kjo ka ngjallur në opinion zëra se Lëvizja BESA është duke u përgatitur që të garojë fuqishëm në zgjedhjet lokale për komunën e Tetovës.
Ndër emrat e përfolur për kandidatë kanë qenë emri i profesor Nexhmedin Karemani, por edhe i të dy ekspertëve, Husein Reka dhe Lumni Ademi.
Tash së fundmi, në opinion po qarkullojnë zëra se do të jetë vetë kryetari i Besës, Bilall Kasami ai që do t’i prijë kësaj gare i rrethuar me një armatë ekspertësh dhe plane dhe projekte konkrete të cilat do të prezantohen në prag të fushatës./Sakte.net
https://www.facebook.com/bilallkasami1/videos/1890851361179001/
