Kryebashkiakja e Durrësit, Emiriana Sako, ka dalë nga ambientet e SPAK-ut pas rreth 2 orësh marrje në pyetje nga prokurorët.
Ajo sqaroi se prezenca e saj në Prokurori nuk lidhet me veprimtarinë e saj si kryetare e Bashkisë së Durrësit, teksa u shpreh se nuk mund të japë të dhëna, në mënyrë që të ruajë sekretin hetimor.
“Dhashë disa shpjegime. Dua të sqaroj që nuk ka lidhje me veprimtarinë time në Bashkinë e Durrësit” është shprehur Sako.
Ndërkohë e pyetur nga gazetarët nëse ajo është thirrur për Inceneratorin e Tiranës, Sako e mohoi kategorikisht këtë gjë.
