Gjykata Kundër Korrupsionit dhe Krimit të Organizuar, ka veçuar çështjen për ish-kryeprokurorin e Vlorës Aurel Zarka, duke pranuar kështu kërkesën e SPAK për kalimin në gjykim të tij.
Zarka është marrë i pandehur për korrupsion dhe ushtrim ndikimi ndërsa emri i tij doli pas zbërthimeve të aplikacionit SkyECC.
Nga ana tjetër GJKKO ka pezulluar gjykimi për tre personat e tjerë, ish-oficeren e BKH-së Erjona Daupaj, avokati Radovan Çela dhe Astrit Vladi.
Arsyeja e pezullimit vjen për shkak se nuk u bë i mundur njoftimi personalisht i këtyre për t’u paraqitur në seancën paraprake.
I pandehuri Aurel Zarka paraqiti kërkesë për gjykim të shkurtuar dhe në këto kushte gjyqtari Erjon Çela vendosi të njoftojë Kryetarin e Gjykatës për plotësimin e trupit gjykues me dy anëtarë të tjerë.
