Plaga e shpopullimit ka mbyllur edhe shkollën e fshatit Fishtë në Lezhë, që mban emrin e poetit dhe klerikut të madh At Gjergj Fishta. Dikur në shkollë mësonin disa nxënës arsimin 9-vjeçar, ndërsa sot godina do të shërbejë si kopsht për 5 fëmijët e vetëm që ka fshati Fishtë
Shkolla 9-vjeçare që mban emrin e poetit dhe klerikut At Gjergj Fishta në Fishtë të Lezhës, këtë vit nuk hapi dyert për nxënës të arsimit fillor.
Për banorët, mungesa e nxënësve në fshatin Fishtë, lidhet pikërisht me shpopullimin e zonës. Të rinjtë kanë ikur, në fshat ka vetëm të moshuar, ndërsa prej vitesh në fshat pothuajse nuk është bërë asnjë martesë.
Shpopullimi është reflektuar edhe me shifrat e nxënësve që nisin shkollën në Lezhë. Krahasuar me një vit më parë, në qarkun e Lezhës numri i nxënës ka rënë ndjeshëm. Nga 18.800 nxënës që u regjistruan në 2021, këtë vit janë ulur në bankat e shkollës vetëm 15911 nxënës, 3 mijë më pak se një vit më parë.
© SYRI.net
