Njësia Speciale e Policisë së Kosovës është dashur të intervenojë në protestën e veteranëve të luftës së UÇK-së, të cilët kanë tentuar të hyjnë në objektin e Kuvendit të Kosovës.
Policia ka përdorur edhe gazlotsjellës për të shpërndarë protestuesit të cilët kanë tentuar që me forcë të hyjnë brenda objektit të Kuvendit, shkruan lajmi.net.
Protestuesit janë dëgjuar duke i thënë pjesëtarëve të policisë që “të bëhen gati”.
“E juaja është me blloku, e jona është me hi”, është dëgjuar njëri nga protestuesit duke i thënë pjesëtarëve të policisë.
Aktualisht protestuesit gjenden ende në oborrin e Kuvendit. /Lajmi.net/
