Një 15 vjeçare ka lindur foshnjën në një qendër shëndetësore të fshatit Fratari të Mallakastrës, por për shkak të komplikacioneve pas lindjes e ëma e saj është detyruar ta çojë në maternitetin e Fierit.
Raportohet se e mitura ka lindur tre ditë më parë, e pas vështirësive është dërguar menjëherë në Fier për trajtim të mëtejshëm.
Duke qenë se vajza është e mitur, në kërkim është shpallur 31 vjeçari, pra partneri i 15 vjeçares dhe njëkohësisht i ati i foshnjës të sapoardhur në jetë.
E mitura i ka deklaruar uniformave blu se ka kryer marrëdhënie seksuale me dëshirën e saj, e se e ëma nuk ka pasur dijeni për shtatzëninë.
Ajo u ka treguar fotot e 31 vjeçarit efektivëve të policisë si dhe identitetin e tij por nuk la dhënë sqarime të hollësishme duke kërkuar kohë për t,u qetësuar. Në deklarimet e para e ëma e 15 vjeçares ka thënë se nuk do ta mbajë foshnjën, madje ka kërkuar të largohen bashkë me vajzën duke e lenë vogëlushen e sapolindur në maternitet. Por stafi mjekësor i ka kërkuar të presin për të dërguar foshnjën në një qendër të posaçme për foshnjat e sapolindura ne Tirane. Aty do të qëndrojë 40 ditë dhe më pas nëse e ëma nuk e merr, dërgohet në brefotrof.
15 vjeçarja jeton me të ëmën, vëllain 19 vjeç dhe gjyshin në Fratar të Mallakastrës. I ati i saj është emigrant në Greqi.
Mësohet se Nëna e 15 vjecares mungon në pjesën më të madhe të kohës pasi punon si kujdestare për një të moshuar.
15 vjeçarja lind foshnjën në qendrën shëndetësore të fshatit por komplikacioni pas lindjes e detyron të ëmën ta çoje në maternitet.
Tani e mitura dhe foshnja gëzojnë shëndet të mire por rasti ka tronditur mjekët e maternitetit të cilët referuan ngjarjen në polici
