Një 47 vjeçar në Berat ka ndërruar jetë si pasojë e rënies së masivit së gurit sipër tij.
Ngjarja e rëndë ka ndodhur rreth orës 11:30 në lagjen “13 shtatori”, në rrugën e Kalasë, në Berat.
Viktima, G.S., 47 vjeç, ka qenë duke bërë punime në një sektor privat, kur një masiv guri është shkëputur dhe e ka zënë punëtorin poshtë.
Ai u transportua në spital, por si pasojë e dëmtimeve 47 vjeçari nuk arriti të mbijetonte.
Njoftimi i policisë:
Rreth orës 11:30, në lagjen “13 Shtatori”, në rrugën e Kalasë, gjatë punimeve nga një subjekt privat, është shkëputur një masiv guri dhe ka zënë poshtë punëtorin e subjektit, shtetasin G. S., 47 vjeç, banues në Berat.
Shërbimet e Policisë dhe të zjarrfikëses kanë bërë të mundur nxjerrjen e shtetasit G. S. nga masivi i gurit dhe e kanë transportuar me ambulancë drejt spitalit, por si pasojë e dëmtimeve, 47-vjeçari ka humbur jetën.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
