Reshjet e shiut kanë rënë në intensitet, por shkrirja e borës nga temperaturat e larta, ka vazhduar që për të dytën ditë të rris nivelin e ujit nëpër shumë pjesë të Kosovës.
Në zonën e Llapit nën kompetenca të Prishtinës e Podujevës, uji ka ngritur ‘mbretërinë’ e tij.
Në Barilevë e Batllavë, uji hyri nëpër shtëpi e biznese, duke shkaktuar dëme të konsiderueshme.
Për përmbytje raportohet edhe nëpër pjesë të tjera të Kosovës. Rajoni i Mitrovicës është përmbytur nga dalja e Sitnicës nga shtrati.
