Gjesti dhe Egli patën një surprizë për fansat, ata u martuan brenda shtëpisë së Big Brother VIP Albania.
Por, ajo që ka habitur publikun është fakti se Gjesti ka bërë një veprim jo të zakonshëm pas martese.
Ai ka hequr unazën ende pa u bërë 24 orë nga dasma që ngriti në këmbë një shqiptari.
Duket se Egli nga kjo gjë është acaruar, duke i thënë se martesën e ka bërë për formalitet.
Por, a do të jetë ky “divorci” më i shpejtë që keni parë?
Ndryshe, në një nga episodet më emocionuese dhe të paharrueshme të edicionit të sivjetshëm të Big Brother VIP Albania, shënoi një ngjarje të rrallë dhe tejet të veçantë: martesa e dy banorëve shumë të dashur për publikun, Gjest dhe Egli Tako. Ceremonia, e organizuar brenda shtëpisë më të famshme në Shqipëri, u kthye në një spektakël të ndjenjave, muzikës dhe emocioneve të sinqerta që rrallëherë shihen në ekran.
Shtëpia e Big Brother VIP Albania u transformua për një natë të vetme në një ambient përrallor, ku çdo detaj ishte kujdesur me përpikëri për të reflektuar atmosferën e një dasme të vërtetë shqiptare. Nga zbukurimet tradicionale, lulet e bardha, ambientet e dekoruara me motive të dashurisë, e deri tek fustani i bardhë i Eglit – gjithçka ishte në funksion të një mbrëmjeje që do të mbetet gjatë në kujtesën e publikut.
Egli Tako, e njohur për natyrën e saj të ndjeshme dhe shpirtin romantik, ishte një nuse brilante, ndërsa Gjest u shfaq me elegancë dhe emocione të thella, duke reflektuar seriozitetin e ndjenjave të tij për partneren. Që nga momenti kur u shkëmbyen betimet, deri tek vallëzimi i parë si çift “i martuar” – çdo çast ishte një dëshmi e fuqisë së dashurisë që lindi dhe u rrit brenda mureve të kësaj shtëpie.
Këngëtarja e mirënjohur e muzikës popullore dhe dasmore, Remzie Osmani, së bashku me të birin, artistin Nexhat Osmani, ishin surpriza më e bukur e mbrëmjes. Ata performuan live disa prej këngëve më të dashura të dasmave shqiptare, duke ngritur në këmbë jo vetëm çiftin e sapomartuar, por edhe të gjithë banorët dhe publikun përtej kamerave.
Atmosfera elektrizuese, këngët plot shpirt e traditë, dhe vallëzimet spontane e plot hare, e kthyen këtë mbrëmje në një festë të mirëfilltë shqiptare. Remzie dhe Nexhati sollën emocion të pastër, duke përforcuar edhe më shumë ndjesinë se kjo nuk ishte thjesht një lojë, por një moment i vërtetë, një dashuri që po kurorëzohej përpara gjithë Shqipërisë.
Në rrjetet sociale, reagimet për këtë martesë nuk kanë munguar. Fansat kanë shpërndarë me mijëra herë pamje nga ceremonia dhe kanë komentuar me emocion për këtë çift që tashmë shihet si një nga historitë më të bukura të dashurisë që ka prodhuar ndonjëherë Big Brother VIP Albania.
Edhe pse ceremonia ishte simbolike dhe pjesë e programit, ndjenjat që u shfaqën ishin mëse reale. Shikuesit u bënë dëshmitarë të një lidhjeje që ka kaluar përmes sfidave, keqkuptimeve dhe emocioneve të forta – për të arritur më në fund në një “po” të sinqertë dhe të bukur, përpara gjithë publikut shqiptar./ORAinfo/
