Janë shpeshtuar rastet e arrestimit të personave ndaj të cilëve ka urdhërarrest ndërkombëtar.
Portali Sakte.net nga burimet të mirëinformuar ka mësuar se Fatmir Luri është arrestuar me urdhërarrest ndërkombetar për armëmbajtje pa leje.
“Personi i arrestuar ka qenë shtetas i Maqedonisë dhe i Kosovës. Kur kemi filluar të konfirmojmë proceduart lidhur me atë se si ky person e ka marrë shtetësinë e Kosovës, është kuptuar se nuk janë përfillur procedurat procedurat që kanë qenë në fuqi në vitin 2010, kohë kjo kur i është dhënë shtetësia e Kosovës, prandaj i është bërë revokimi i shtetësisë së Kosovës dhe rrjedhimisht ky person është marr nga Policia e Kosoves për qendrim ilegal dhe më pas është debuar nga Kosova”, thonë burime të portalit Sakte.net
Përndryshe, media maqedonase kanë shkruar se i deportuari nga Kosova për në Maqedoni njihet si ish komandant i UÇK-së nga Kondova e Shkupit, Fatmir Lura i njohur si Fata. /Sakte.net
