Tre persona dyshohet të kenë marrë pjesë në atentatin ndaj Klajdi Prendit, djalit të ish-gjyqtarit, Fran Prendit.
Gazetari Igli Çelmeta raporton se i riu u qëllua kur sapo kishte hipur në makinën e tij, pasi kishte dalë nga një lokal në rrugën “Xhanfize Keko”.
Pas krimit, tre autorët janë larguar nga vendi i ngjarjes, më pas kanë kaluar në rrethin e Shkozës dhe prej aty pranë liqenit të Farkës kanë djegur një makinë, tip Audi A4 ngjyrë gri.
Pasi i kanë vënë zjarrin makinës, ata dyshohet se janë larguar me një tjetër automjet, që i priste në zonën e Farkës.
