Një atentat është regjistruar në Tiranë pas mesnate, ku mbeti viktimë një 28 vjeçar.
Viktima, i identifikuar si Klajdi Prendi, është ekzekutuar me armë zjarri me silenciator.
Ngjarja e rëndë ka ndodhur në zonën e Porcelanit në kryeqytet.
Sakaq, një orë më pas, një automjet është gjetur e djegur në zonën e Farkës. Kjo makinë dyshohet të jetë përdorur nga autori/ët për të kryer atentatin.
Ky është atentati i dytë që trondit Tiranën në 4 ditët e fundit. Në 14 nëntor u ekzekutua me një plumb në kokë biznesmeni Eduart Reçi, në sheshpushimin e pallatit pronë të tij. 52-vjeçari u qëllua nga distanca me pushkë me dylbi. Ngjarje kjo ende mister dhe po ashtu grupi hetimor nuk ka një pistë konkrete për motivet.
