Një person i identifikuar si Ndue Preka, ka mbetur i plagosur mbrëmjen e sotme në lagjen “Mark Lula” në Shkodër.
Sipas informacioneve të para, Ndue Preka që u plagos nga një person ende i paidentifikuar ka marrë një plumb në këmbë dhe ndodhet jashtë rrezikut për jetën.
Autori, mësohet se e ka qëlluar me pistoletë 3-4 herë dhe një plumb e ka kapur në këmbë.
Plumbat kanë goditur edhe një makinë të parkuar, ndërsa policia ndodhet në vendngjarje për të bërë të mundur zbardhjen e plotë të plagosjes.
Mësohet se Ndue Preka po ecte në këmbë në momentin kur është qëlluar ndaj tij.
Sakaq, policia po punon për identifikimin e autorit dhe kapjen e tij.
